Mahashivratri Status Gujarati

આ પોસ્ટમાં આપને મળશે મહાશિવરાત્રીના સ્ટેટસ એટલે કે મહાશિવરાત્રીની શુભેચ્છા કે મહાશિવરાત્રીની શુભકામના.

Mahashivratri Status Gujarati | Maha Shivratri Gujarati Wishes

આપણા શાસ્ત્રોમાં ત્રણ મહાન રાત્રિઓનો ઉલ્લેખ થયેલ જોવા મળે છે. જેમાં ૧.કાળરાત્રિ (કાળી ચૌદસ) ૨.મોહરાત્રિ (જન્માષ્ટમી) ૩.મહારાત્રિ (મહાશિવરાત્રી). શિવરાત્રી એટલે ભગવાન શંકરને સમર્પિત દિવસ. આમ તો દરેક સોમવાર ભગવાન શિવ એટલે કે દેવાધિદેવ મહાદેવનો આરાધનાનો દિવસ ગણાય છે. અને દર મહિનામાં (વદ ચૌદસના દિવસને) માસિક શિવરાત્રી ઉજવાય છે. પરંતુ વર્ષમાં શિવરાત્રિનો મુખ્ય તહેવાર કે જે વ્યાપક રૂપથી દેશભરમાં ઉજવાય છે જે વર્ષમાં ૦૨ વખત એટલે કે એક મહા માસમાં અને બીજો શ્રાવણ માસમાં આવે છે.

મહા માસમાં ઉજવાતો શિવરાત્રીનો તહેવાર મહાશિવરાત્રી કહેવાય છે. મહા માસની કૃષ્ણપક્ષની ચૌદસ ના દિવસે ઉજવાતા આ તહેવાર પર શ્રધ્ધાળુઓ કાવડથી ગંગાજળ લઈ આવે છે અને ભગવાન શિવને સ્નાન કરાવે છે.

જ્યારે લોકો જેને સામાન્ય રીતે શિવરાત્રી તરીકે ઉજવે છે તે દિવસ મહાવદ ચૌદસ ખરેખર મહાશિવરાત્રીનું પર્વ છે. જેને આપણે ઉજવીએ છીએ.

૨૦૨૫ ના વર્ષમાં મહાશિવરાત્રીનો તહેવાર ૨૬ ફેબ્રુઆરી અને બુધવારના રોજ આવેલ છે.

મહાશિવરાત્રીની કથા

મહાશિવરાત્રી સાથે અનેક પૌરાણિક કથાઓ સંંકળાયેલી છે.

સમુદ્રમંથન

સમુદ્ર મંથન વખતે નિકળેલ હળાહળનું શું કરવું તે પ્રશ્ન વખતે ભગવાન વિષ્ણું એ શિવજીનો સંપર્ક કરવા કહ્યું અને જ્યારે દેવોએ શિવજીનો સંપર્ક કર્યો ત્યારે જીવમાત્ર તરફની અનુકંપાને કારણે તે હળાહળ પી લીધું. આ ધટના સાથે શિવરાત્રીને જોડવામાં આવે છે.

પ્રલય

સંસારના પ્રલયનો ભય તોળાય રહ્યો હતો તેવા વખતે પાર્વતીજીએ ભગવાન શિવજીની પૂજા કરી અને તેમણે જીવમાત્રનું રક્ષણ કરવા માટે પ્રાથના કરેલ. ત્યારે ભગવાન શિવજીએ પ્રસન્ન થઈને કહ્યું કે,

"જે જીવ મહા મહિનાની વદ ચૌદસને દિવસે તેમનું પુજન અને ધ્યાન કરશે તેમને તે પ્રલય સમયે ઉગારશે."

ભગવાન શિવની પ્રિય રાત્રી

સૃષ્ટિ સર્જનનું કાર્ય પૂર્ણ થયા બાદ એક વખત દેવી પાર્વતીએ ભગવાન શિવને પુછ્યું કે તેમનો પ્રિય દિવસ ક્યો છે, ત્યારે શિવજીએ કહ્યું કે મહા વદ તેરસ. ત્યારબાદ ભગવાન શિવની આ પસદની જાણ અન્ય દેવતાઓ તથા મનુષ્યને પણ થઈ.

ભગવાન શિવની આરામની રાત્રિ

એક અન્ય કથા મુજબ શિવરાત્રી એ સમય છે કે જ્યારે ભગવાન શંકર આરામ કરે છે. શિવજી રાત્રિનાં એક પ્રહર(ત્રણ કલાકના ગાળા) માટે આરામ કરે છે, આ એક પ્રહરને મૂળ શિવરાત્રિ ગણવામાં આવે છે.

ભગવાન શિવના ધરતી પરના અવતરણની રાત્રિ

મહાશિવરાત્રીના દિવસે નિરાકાર ગણાતા શિવજીએ આકર ધારણ કરી, જીવને મેળવી પૃથ્વી પર પ્પધરામણી કરી હોવાની માન્યતા છે. અને એટલે જ તો શિવરાત્રીએ જીવ અને શિવના મિલનનું પ્રતિક ગણાવાયું છે. આ દિવસે જ દ્વાપરયુગનો પ્રારંભ થયો હોવાનું અને પ્રથમ જ્યોતિર્લિંગ પણ આ દિવસે જ પ્રગટ થયું હોવાની માન્યતા છે.

મહા વદ ચૌદસના દિવસે આવતું આ મહાશિવરાત્રિનું વ્રત માનવને શિવ બનવાની પ્રેરણા આપે છે સાથે સાથે સકલ સૃષ્ટિને તે શિવત્વનો સંદેશ સુણાવે છે. તો આ મહાદેવની સ્તુતીના તહેવારની શુભેચ્છા આપતા સ્ટેટસ પણ આપને જરૂર ગમશે.